නීතිය හමුවේ කිසිදු විශේෂ පුද්ගලයකු නොමැත.අධිකරණය කියයි.
නීතිය හමුවේ කිසිදු විශේෂ පුද්ගලයකු නොමැති බවත් නීතිය ඉදිරියේ සැවෝම සමාන බැවින් රගර් ක්‍රීඩක මොහොමඩ් වසීම් තාජුඩීන්ගේ ඝාතනයට අදාළ විමර්ශන කඩිනම් කරන ලෙස කොළඹ අතිරේක මහේස්ත්‍රාත් නිශාන්ත පීරිස් මහතා රහස් පොලිසිය වෙත නියෝගයක් නිකුත් කළේය. මෙම ඝාතනයට අදාළව අරලියගහ මන්දිරය, කාල්ටන් නිවස ආදියට සම්බන්ධ දුරකථන ජාල මඟින් යම් කරුණු හෙළිවන්නේ නම් තරාතිරම නොබලා අවශ්‍ය පුද්ගලයින් රහස් පොලිසිය වෙත කැඳවා ප්‍රශ්න කරන ලෙසත්, වෛද්‍ය ආනන්ද සමරසේකර සම්බන්ධයෙන් කිසිදු අධිකරණයක් වාරණයක් නිකුත් කර නොමැති බැවින් ඔහු සම්බන්ධව සැක කිරීමට ප්‍රමාණවත් සාක්කි ඇත්නම් අපරාධ නඩු විධාන සංග්‍රහ පනත යටතේ බියකින් චකිතයකින් තොරව අදාළ පියවර ගන්නා ලෙසට රහස් පොලිසියට මහේස්ත්‍රාත්වරයා විසින් නියෝග කළේය.