අය වැය සම්මතයි.
අයවැය තෙවන වර කියවීම ඊයේ(10) වැඩි ඡන්ද 97කින් සංශෝධන සහිතව පාර්ලිමේන්තුවේ දී සම්මත විය. අයවැයට පක්ෂව ඡන්ද 151ක් හිමිව තිබෙන අතර විපක්ෂව ලැබුණු ඡන්ද සංඛ්‍යාව ඡන්ද 54කි.
ඒ අනුව අයවැය යෝජනා සම්මත වූ දින සිට වහාම ක්‍රියාත්මක වන පරිදි රජය සැලසුම් කර ඇති යෝජනා අතර නිවාස හා දේපළ ණය , සූර්යබල විදුලි පහසුකම් ලබාගැනීමේ ණය , කොවිඩ් වසංගතය නිසා බලපෑමට ලක්වූ සුළු හා මධ්‍ය පරිමාණ ව්‍යාපාර නගා සිටුවීම සඳහා කාරක ප්‍රාග්ධන ණය, තරුණ ව්‍යවසායකයින්ට නව ව්‍යාපාර ඇරඹීමට ණය පහසුකම්, රාජ්‍ය හා පෞද්ගලික අංශයේ සේවා නියුක්තිකයන්ට නිවාස මිලදී ගැනීම සඳහා ණය ආදිය ක්‍රියාත්මක කිරීමට තීරණය කර ඇත.