ජනාධිපති නියෝගයෙන් 600කට වැඩි පිරිසක් වහාම මාරුකරයි.
මෝටර් රථ ප්‍රවාහන දෙපාර්තමේන්තුවේ සේවකයින් 600 කට වැඩි පිරිසකට වහාම ක්‍රියාත්මක වන පරිදි ස්ථාන මාරුවීම් ලබාදීමට තීරණය කර තිබේ. මෙම මස 03වන දින කර්මාන්ත රාජ්‍ය අමාත්‍යාංශයේ ලේකම් එස්.එම්.ඩී.එල්.කේ ද අල්විස්ගේ අත්සනින් මෙයට අදාල නිල නිවේදනය නිකුත් කර ඇත.
එම ලිපියේ දැක්වෙන පරිදි ජනාධිපතිවරයා ලබාදුන් උපදෙස් අනුව මෙය ක්‍රියාත්මක වේ.
මෝටර් රථ දෙපාර්තමේන්තුවේ කොමසාරිස් ජනරාල් නීතිඥ සුමිත් අලහකෝන් පවසා ඇත්තේ තමන් සහ මේ වසරේ ජනවාරි පළමු වැනිදාට පසු සේවයට බැඳුණු අය පමණක් තවදුරටත් දෙපාර්තමේන්තුවේ රාජකාරී කරනු ඇති බවයි.