භූමදානයට ඉඩදීමට මාලදිවයින බැහැ කියයි.
ශ්‍රී ලංකාව තුළදී කොරෝනා ආසාදනයෙන් මියයන මුස්ලිම් ජාතිකයන්ගේ මෘතදේහ මාලදිවයිනට යවා භූමදානය කරවීමට ගත් උත්සාහයද ව්‍යර්ථ වෙමින් පවතින බව වාර්තා වේ.
ශ්‍රී ලංකා රජයේ මෙම ඉල්ලීම සඳහා මාලදිවයින් ජනාධිපතිවරයා කැමැත්ත පළ කළ බව එරට විදේශ ඇමති අබ මුලින් සඳහන් කර සිටියද එරටින් මතුවෙමින් පවතින විරෝධය හමුවේ එම තීරණය අකුලා ගන්නා තැනට මාලදිවයින් ජනාධිපතිවරයා පත්ව තිබේ.
ශ්‍රී ලාංකික මෘතදේහ භුමදානයට විරෝධය දක්වන කණ්ඩායම් ප්‍රශ්න කර සිටින්නේ එම සිරුරු භූමදානය ශ්‍රී ලංකාවට අහිතකර නම් මාලදිවයිනට හිතකර වන්නේ කෙසේද යන්නයි.
මේ අතර ශ්‍රී ලංකාවේ සංචාරක ව්‍යාපාරයේ ප්‍රමුඛ කොටසක් වූ සෞඛ්‍ය ප්‍රතිකාර සඳහා කොළඹට පැමිණෙන මාලදිවයින් ජාතිකයින්ගේ ශීඝ්‍ර අඩුවීමක් දක්නට ලැබේ. යම් හෙයකින් ඔවුන් ශ්‍රී ලංකාව තුළදී මියගියහොත් ඔවුන්ගේ සිරුරු ආදාහනය වීමට දක්වන අකැමැත්ත මෙයට හේතු වී ඇත.