ලබන වසරේ දරුණු ආහාර හිඟයක්.
මේ වසරේ පැවැති දරුණු නියඟය හේතුවෙන් ඉදිරියේ දී ආහාර හිඟයක් ඇති විය හැකි බව අමාත්‍ය එස්.බී.දිසානායක පවසයි.
ඇමැතිවරයා එසේ පැවසුවේ වලපනේ ලියන්වල දී කුරහන් වගා ව්‍යාපෘතියක් ආරම්භ කරමිනි.
මෙම වසර දරුණු වසරක් බවත්, නියඟය නිසා කුඹුරු වගා කිරීම විශාල වශයෙන් අඩු වූ බවත් පැවසූ ඇමැතිවරයා මේ නිසා කුරහන් වැනි ධාන්‍ය වගා කිරීම ආහාර හිඟයට මෙන්ම ශරීර සෞඛ්‍යයට ඉතා යහපත් බව ද සඳහන් කළේය.
වී වගා කිරීම අඩු වී ඇති නිසා ආහාර හිඟයට මුහුන පෑම සඳහා හාල් ආනයනය කිරීමට සිදුවිය හැකි බව පැවසූ ඇමැති දිසානායක මේ වසරේ නියඟය විශාල වශයෙන් වී වගා කරන ඉන්දියාව, මියන්මාරය, ඉන්දුනීසියාව, හා පකිස්ථානය වැනි රට වලටද පැවැති නියඟය බලපෑ ඇති බව ද කීවේය.
