සංචරණ නීති රකින්නේ දුප්පතුන් විතරයි.
සංචරණ නීති නිසි ලෙස පිළිපදින්නේ අහිංසක ජනතාව පමණක් බවත් බලපුළුවන්කාරයන් නිදැල්ලේ හැසිරෙන බවත් ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය සඳහන් කරයි.
එහි සභාපති උපුල් රෝහණ පෙන්වා දෙන්නේ එදිනෙදා ආදායමක් උපයාගෙන ජීවත් වූ අහිංසක ජනතාව ආර්ථික දුෂ්කරතා මැද වුවද නිවෙස්වලට වී සංචරණ සීමා රකිමින් සිටින බවත් යමක් කමක් ඇති බලවතුන් බහුතරයක් සංචරණ නීතිය නොතකමින් බලපුළුවන්කාරකම පෙන්වමින් මාර්ගවල ගමන් ගන්නා බවත්ය.
එම බලපුළුවන්කාරකම් පෙන්වන පුද්ගලයන් නිසා මෙරට කොරෝනා පාලනය බාධාවක් වී ඇතැයි පෙනෙන්ට ඇති බව ද ඔහු කියා සිටියේය.