විස්සයි විස්ස ක්‍රිකට් ලෝක කුසලානයේ සුපිරි කණ්ඩායම් 12 ට ශ්‍රී ලංකාව සුදුසුකම් ලබයි.
පන්දුවාර විස්සයි විස්ස ලෝක කුසලාන ක්‍රිකට් තරගාවලියේ සුපිරි කණ්ඩායම් 12 දෙනාගේ වටයට සුදුසුකම් ලැබීමට ශ්‍රී ලංකාව ඊයේ (20) රාත්‍රියේ සමත් විය. ඒ‘ අයර්ලන්තයට එරෙහිව ලකුණු 70 ක විශිෂ්ඨ ජයක් වාර්තා කරීමත් සමගයි.
තරගයේ ප්‍රථමයෙන් පන්දුවට පහරදුන් ශ්‍රී ලංකාව නියමිත පන්දුවාර විස්සේදී කඩුළු 7 කට ලකුණු 171 ක් රැස් කල අතර ලකුණු 8 කට ශ්‍රී ලංකා මුල්පෙළ කඩුළු 3 ක් පන්දුවාර 2 ක් තුළ බිද වැටී තිබියදී ශ්‍රී ලංකා ඉනිම ශක්තිමත් තැනකට ඔසවා තැබුවේ සිව් වන කඩුල්ල වෙනුවෙන් ලකුණු 123 ක සබදතාවක් ගොඩනැගූ වනිදු හසරංග සහ පැතුම් නිශ්ශංකයි.
පිළිතුරු ඉනිම ක්‍රීඩා කළ අයර්ලන්තයට පන්දුවාර 18 යි පන්දු 3 ක් තුළ සියළු දෙනා දැවී රැස්කර ගත හැකි වූයේ ලකුණු 101 ක් පමණි.