ප්‍රමිතියෙන් තොර ජල විදුලි බලාගාර 19 ක කටයුතු කඩිනම් කරන්න යැයි කියයි.
ඉදිකිරීමට යෝජිත ජල විදුලි බලාගාර 19 ක කටයුතු කඩිනම් කරන්නැයි සුර්ය බල, සුළං හා ජල විදුලි ජනන ව්‍යාපෘති රාජ්‍ය අමාත්‍යංශය අදාළ අංශවලට දැනුම් දී ඇතත් එම බලාගාරවලින් බොහොමයක් සඳහා නීත්‍යානුකූල අවසර ලබා දිය හැකි මට්ටමක නැතැයි පරිසරවේදීහු පෙන්වා දෙති.
කෑගල්ල, කළුතර, ගාල්ල, හා රත්නපුර යන දිස්ත්‍රික්කයන්හි දියඇලි ආශ්‍රිතව මෙම විදුලි බලාගාර ඉදිකළ හොත් එම දියඇලි විනාශවීම වැළැක්විය නොහැකි යැයි පරිසරවේදීන්ගේ සංගම් කිහිපයක් එක්ව කොළඹ දී පැවැත්වූ මාධ්‍ය හමුවක දී අවදාරණය කෙරිණි.