2022 ආසියානු නෙට්බෝල් ශූරතාවලිය සැප්තැම්බර් 03 දින සිට සැප්තැම්බර් 11දින දක්වා සිංගප්පූරුවේ දී .
2022 ආසියානු නෙට්බෝල් ශූරතාවලිය සදහා සහභාගී වන ජාතික නෙට්බොල් කණ්ඩායමේ ක්‍රීඩිකාවන් හා නිළධාරීන් අද (29) දින ක්‍රීඩා අමාත්‍යවරයා හමුවිය. මෙවර 2022 ආසියානු නෙට්බෝල්
ශූරතාවලියට සැප්තැම්බර් 03 දින සිට සැප්තැම්බර් 11දින දක්වා සිංගප්පූරුවේ දී පැවැත්වේ.
අමාත්‍යවරයා ක්‍රීඩිකාවන්ගේ පුහුණුවීම් කටයුතු හා තරගාවලිය සදහා සූදානම්කර තිබෙන පහසුකම් පිළිබදව විමසීය. ජාතික නෙට්බෝල් සංගමයේ සභාපතිනී ලක්ෂ්මි වික්ටෝරියා ප්‍රකාශ කර සිටියේ කණ්ඩායමේ පුහුණු කටයුතු ඉතා සාර්ථකව සිදු වූ බවත්, සිංගප්පූරුවේ දී අවශ්‍ය සියලුම පහසුකම් ක්‍රීඩා අමාත්‍යාංශය විසින් ලබා දී ඇති බවත් ය.