එංගලන්තයෙන් ඉන්දියාවට දැඩි ප්‍රහාරයක්.
20-20 ලෝක කුසලාන තරගාවලියේ අවසන් පූර්ව වටයේ දෙවන තරඟයෙන් ඉන්දීය පිල පරදා එංගලන්තය විසින් කඩුලූ 10 ක විශිෂ්ට ජයග්‍රහණයක් අත්කර ගත්තේය. ඉන්දීය කණ්ඩායම මුලින් පන්දුවට පහර දී නියමිත පන්දුවාර 20 අවසානයේ කඩුලු 6කට ලකුණු 168 ලබා ගත්තේය.
පිළිතුරු ඉනිම ක්‍රීඩාකළ එංගලන්ත කණ්ඩායම පන්දුවාර 16කදී කිසිදු කඩුල්ලක් නොදැවී එම ඉලක්කය පසු කරමින් ජයග්‍රහණය වාර්තා කළේය. ඒ අනුව 20-20 ලෝක කුසලාන තරගාවලියේ අවසන් මහා තරගය පාකිස්ථානය සහ එංගලන්තය අතර පැවැත්වීමට නියමිතව තිබේ.