කම්කරුවන්ගේ වැටුපෙන් උද්ධමනය නිසා ඉහල යන ජීවන වියදමට මුහුණ දෙන්න බෑ.
කම්කරු අරගල මධ්‍යස්ථානය පලමු සමුළුව පවත්වන මේ මොහොතේ කම්කරුවන් වගේම අනෙක් සියළු ජනකොටස් විශාල අර්බුදයකට ගොදුරුවී සිටිනවා. කම්කරුවන්ගේ වැටුපෙන් උද්ධමනය නිසා ඉහල යන ජීවන වියදමට මුහුණ දෙන්න බෑ. වැටුපෙන් ණය වාරික කපා ගත්තාම ඉතිරි වෙන්නේ සොච්චමයි. ඒකෙන් විදුලි බිල්, ජල බිල්, දුරකතන බිල් ගෙව්වාම මොකුත් ඉතිරි වෙන්නේ නෑ. ගොවීන් ඉන්නේත් ඒ වගේම ප්‍රශ්නයක. ජලය, ඉඩම්, බීජ උදුරා ගන්න අණපනත් හදලා දැන් නීතිපති දෙපාර්තමේන්තුව තුළ සාකච්ඡා වෙනවා. පොහොර මිල කීප ගුණයකින් වැඩි වෙලා. අස්වැන්නට මිලක් නෑ. අපි හැම දෙනාම ඉන්නේ එකම ප්‍රශ්නයක. මේකට උත්තරය අපි හැම දෙනාම එක මිටකට එකතු වෙලා මේ ක්‍රමය පෙරලා දමන එක. කම්කරුවන් පමණක් නොව ගොවීන්, ධීවරයින් ඇතුළු සියළු බලවේග එක මධ්‍යස්ථානයකට එකට එක් කරන්න කම්කරු අරගල මධ්‍යස්ථානයට හැකියාව තියෙනවා.
විමල් වත්තුහේවා.