ආණ්ඩුවේ මරණ තර්ජන හමුවේ විනිසුරු රට හැර යයි.
මුලතිව් මහෙස්ත්‍රාත් ධුරයෙන් සහ දිසාවිනිසුරු ධුරයෙන් ඉල්ලා අස් වූ ටී. සරවනරාජා විදෙස්ගත වී ඇති බවට තොරතුරු වාර්තා වේ. තම ඉල්ලා අස්වීමේ ලිපිය ඔහු අධිකරන කොමිසන් සභාවට යොමු කර ඇත්තේ පසුගිය 23 යි.
ලිපිය මගින් ඔහු දැනුම් දී තිබුණේ තමාට එල්ලවී ඇති තර්ජන මත ඉල්ලා අස්වීමට තීරණය කළ බවයි.
සැප්තැම්බර් 23 වෙනිදා මෙම ලිපිය ලියූ බවත් එය අධිකරණ සේවා කොමිෂන් සභාවේ ලේකම්වරයා වෙත නොයවා තමන්ගේ ආරක්ෂාවට යමක් සිදු වේ දැයි බලා සිටිය නමුත් එවැන්නක් සිදු නොවීම නිසා තමන් එම ලිපිය යැවූ බව මහෙස්ත්‍රාත්වරයා සදහන් කර ඇත.
මෑත කාල සීමාවේදී වැඩි අවධානයක් ගත් කුරුන්දි විහාරය සම්බන්ධ නඩු කටයුත්ත සහ කොක්කුතුඩුවායි ප්‍රදේශයෙන් මිනිස් අස්ථි කොටස් සොයා ගැනීමේ සිද්ධියට අදාළ මුලික පරීක්ෂණ කටයුතු යන දෙකම සිදුකෙරුණේ ද විනිසුරු ටී. සරවනරාජා ඉදිරියේ දීය.