විමල් වීරවංශ ගේ පක්ෂය සන්ධානයේ සාමාජික පක්ෂයක් හෝ සන්ධානය සමඟ ගිවිසුම් ගත නොවූ නිකම් නමට පමණක් ඇති පක්ෂයක් බවත් එහෙම පක්ෂ කිහිපයක් තිබෙන බව  එක්සත් ජනතා නිදහස් සංධානයේ මහ ලේකම් ඇමැති මහින්ද අමරවීර  කියා සිටියි.

වංචා හා දූෂණවලට සම්බන්ධ පිරිස්වලින් තොර, ජාතිවාදී කණ්ඩායම්වලින් තොර පක්ෂයක් බවට එක්සත් ජනතා නිදහස් සන්ධානය පත් කිරීමට තමන් කැමති බව ද ඇමතිවරයා කීය. මහින්ද අමරවීර  එසේ කීවේ වවුනියාව මාමඩුව ප්‍රදේශයේ මිරිදිය ධීවරයන් පිරිසකට ඔරු හා ධීවර ආම්පන්න බෙදාදීමේ වැඩසටහනකට එක්වීමෙන් පසු මාධ්‍යවේදීන් නැඟූ ප්‍රශ්නවලට පිළිතුරු දෙමිනි.