ඔෂීන් ශ්‍රී ලංකා රූපවාහිනී සංස්ථාව වෙත.
ජපානය හා ශ්‍රී ලංකාව අතර පැවති දිගුකාලීන මිතුදම තවත් ශක්තිමත් කල අවස්ථාවකට මීට දශක දෙකකට පෙර මුලපිරූ ‘ඔෂීන්’ කතා පුවතේ ප්‍රධාන චරිතය වූ ‘ඔෂීන්’ ට පණදුන් අයාකෝ කොබෙයාෂි ශ්‍රී ලංකාවේ සංචාරයක නියැලුණු අතර ජපන් රජයෙන් අපට උරුම වූ තවත් සම්පතක් වන ශ්‍රී ලංකා රූපවාහිනී සංස්ථාව වෙත පසුගියදා ඇය පැමිණියේය. එහිදී ඇය පිළිගන්නා ලද්දේ පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක විසිනි. ඒ අවස්ථාව සඳහා පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශයේ ලේකම් නිමල් බෝපගේ, ශ්‍රී ලංකා රූපවාහිනී සංස්ථාවේ සභාපති නීතීඥ රවී ජයවර්ධන ,ශ්‍රී ලංකාවේ ජපාන තානපතිතුමා ඇතුළු පිරිසක් එක්වූහ..