පුහුණු ශ‍්‍රමබලකායේ අනාගත අවශ්‍යතාව පිළිබඳ ව වාර්තාවක් එයි.
අග‍්‍රාමාත්‍ය කාර්යාලයේ ප‍්‍රතිපත්ති සංවර්ධන කාර්යාලයේ සීමාවාසික පුහුණුව ලැබු හාවර්ඩ් විශ්වවිද්‍යාලයේ පශ්චාත් උපාධිධාරී සිසුවෙකු විසින් ශ්‍රී ලංකාවේ අනාගත ශ‍්‍රමබලකායේ අවශ්‍යතාව සපුරාගැනීම පිළිබඳ ව සිදු කළ පර්යේෂණ වාර්තාවක් ප‍්‍රතිපත්ති සංවර්ධන කාර්යාලයේ දී එළිදක්වා ඇත.
අඛණ්ඩ ආර්ථික සංවර්ධනයක් උදෙසා ශ්‍රී ලංකාවේ ආර්ථිකය විවිධාංගිකරණය වියයුතු නමුත් බිහිවන නව කර්මාන්ත සඳහා පුහුණු ශ‍්‍රම බලකායේ දැඩි හිඟයක් පවතී. ප‍්‍රතිපත්ති සංවර්ධන කාර්යාලය හරහා සිදු කළ මෙම පර්යේෂණ වාර්තාව මගින් අනාගත ශක්තිමත් පුහුණු ශ‍්‍රම බලකායක් ගොඩනැගීමේ දී වැදගත්වන ප‍්‍රතිපත්තිමය තීරණ ගතහැකි අංශයන් පිළිබඳ ව අවධානය යොමුකර තිබුණි.
එම වාර්තාව ප‍්‍රතිපත්ති සංවර්ධන කාර්යාලයේ නිල ෆේස්බුක් පිටුව වන www.facebook.com/policydevelopmentoffice තුළින් ලබාගත හැකිය.