ගම්මන්පිලට පාර්ලිමේන්තු මන්ත‍්‍රීධුරය අහිමිවන ලකුණු.
ඕස්ටේ‍්‍රලියානු ජාතික බ‍්‍රයන් ෂැඩික් යන අයට අයත්ව තිබූ පෑන් ඒෂියා බැංකුවේ සමාගම් කොටස් මිලියන 2ක් ව්‍යාජ ඇටර්නි බලපත්රයක් සකස් කර ප‍්‍රසිද්ධ ව්‍යාපාරික ධම්මික පෙරේරාට විකිණීම සම්බන්ධව උදය ගම්මන්පිල ට එරෙහිව කොළඹ මහාධිකරණයේ අංක 8394/16 දරණ නඩුව ශාලා අංක 05දී විභාගයට ගන්නා ලදී.
එහිදී බ‍්‍රයන් ෂැඩික් ගෙන් දෙවන දිනටත් හරස් ප‍්‍රශ්ණ අසනු ලැබිණි. උදය ගම්මන්පිල නියෝජනය කරමින් ජනාධිපති නීතිඥවරු කිහිපදෙනෙකු විසින් පුරා පැය තුනකට ආසන්න කාලයක් එහිදී හරස් ප‍්‍රශ්ණ අසන ලදී.
එහිදී ඔවුන් විසින් අසනු ලැබූ හරස් ප‍්‍රශ්න අතරින් කිහිපයක් පහත දැක්වේ,
ජනාධිපති නීතිඥවරයා : ‘ඔබට ඇටර්නි බලපත්රයක් පෙන්වනවා මෙහි ඔබේ අත්සන තිබේදැයි බලන්න’
බ‍්‍රයන් ෂැඩික්: මම ඔවැනි ඇටර්නි බලපත‍්‍රයකට අත්සන් කර නැහැ, ඔය මා විසින් දීපු ඇටර්නි බලපත්රයක් නොවෙයි, ඔය අත්සන මගෙත් නොවෙයි. හොර ඇටර්නි බලපත‍්‍ර හැදුව හොරා විත්ති කූඩුවේ ඉන්නවා උදය ගම්මන්පිල. එයාගෙන් විස්තර අහගන්න. ඔහු ජාත්‍යන්තර අපරාධකරුවෙක් (International Criminal)
ජනාධිපති නීතිඥවරයා : විශේෂ අපරාධ පරීක්ෂණ ඒකකයේ පොලිස් නිලධාරියෙක් ඔස්ටේ‍්‍රලියාවට ගෙන්වාගෙන බොරු සාක්ෂි ලබා දී තිබුණා නේද?
බ‍්‍රයන් ෂැඞ්ඩික්: ඔය වගේ පොලිස් දෙපාර්තමේන්තුවට අපහාස කරන ප‍්‍රශ්ණ උසාවියේ නගන්න එපා. ඒක පොලීසියිට මෙන්ම මුළු මහත් ලංකාවටම අපහාසයක්. ඉතාමත් දක්ෂ නිලධාරීන්ගෙන් යුත් ලංකාවේ පොලීසිය ඉතාමත් විශිෂ්ට ලෙස ක‍්‍රියාකර මේ වංචාකරු කොටුකර ගැනීමට කටයුතු කර තිබෙනවා. ඔවුන් ඔබේ රටට ආඩම්බරයක්. ඔවුන් ඕස්ටේ‍්‍රලියානු ජාතිකයෙක් වන මට ඉටු කළ සාධාරණය පිළිබදව මමත් නිහතමානීව ආඩම්බර වෙනවා.
ජනාධිපති නීතිඥ: ලංකාවේ ප‍්‍රබල දේශපාලනඥයෙක්ගේ උවමනාවක් නිසා ඔබව ලංකාවට ගෙනැවිත් මෙම ව්‍යාජ පැමිණිල්ල ගොණු කළා නේද?
බ‍්‍රයන් ෂැඞ්ඩික්: මට කිසිදු දේශපාලනික පසුබිමක් නැහැ. මොහු මගේ මුදල් වංචා කළේ 1997දී ඉන් පසුව තම දේශපාලන සබදතා මගින් ජීවිත තර්ජන එල්ල කරමින් මා ලංකාවට ඒම වැළැක්වූවා. ඒ අනුව දේශපාලන බලපෑම් කළේ ඔහුයි. ඔහුට බලයක් හිමිව තිබූ ඒ ආණ්ඩු පෙරලෙනතුරු බලා ඉදලා, අවස්ථාව උදාවුණු විටමම ඉදිරිපත් වුණේ ඒකයි. මෙතැන අසාධාරණය වුනේ මට. මොහු වංචා කළේ මගේ මුදල්. දැන් නීතිමය ක‍්‍රියාදාමය වෙන අතකට යොමු කරන්න දේශපාලන බලපෑමක් ගැන කතා කරනවා. සාමාන්‍යයෙන් හොරුන්ගේ හැටි ඔහොම තමයි.
ඒ අනුව පැය තුනකට ආසන්න කාලයක් හරස් ප‍්‍රශ්ණ අසන ලදී. නැවත හරස් ප‍්‍රශ්ණ ඇසීම සදහා 2017/10/11 දිනට නඩුව කල් තබන ලදී.
මෙම නඩුවේ මෙතෙක් සිදුකරන ලද සාක්ෂි විමසීම් හා විමර්ශනවලදී උදය ගම්මන්පිල විසින් සිදුකරන ලද වංචාවන් රැසක් හෙළිදරව් වී තිබෙන බව වාර්තා වන අතර ඉහත ඉදිරියේදී උදය ගම්මන්පිලගේ පාර්ලිමේන්තු මන්ත්රීර ධුරයද අහෝසිවීමට බොහේ දුරට ඉඩ ඇතැයි ද සඳහන්වේ.
8394 නඩුවේ වැඩිදුර සාක්ෂි විමසීම ලබන ඔක්තෝම්බර් 11 වන දින පැවැත්වීමටත් 8395 නඩුව ඔක්තෝම්බර් 03 වන දා ඇසීමටත් කොළඹ මහාධිකරණ විනිසුරු ආර්. ගුණසිංහ විසින් නියෝග කොට තිබේ. ඒ ව්‍යාජ ඇටෝනි බලපත්රයක් භාවිත කර සමාගමක ව්‍යාපාර කොටස් විකිණීමෙන් රුපියල් මිලියන 20 ක මුදලක් වංචා කළ බවට පිවිතුරු හෙළ උරුමයේ නායක උදය ප්‍රභාත් ගම්මන්පිලට එරෙහි නඩුව කැඳවූ අවස්ථාවේදීය.
විශේෂ සටහන : මෙම සිදුවීම අදාළ පරීක්ෂණ කටයුතුවලදී උදය ගම්මන්ප පොලීසියට සහ මහේස්ත‍්‍රාත් අධිකරණයට පවසා ඇත්තේ ‘බ‍්‍රයන් ෂැඞ්ඩික්ට පෑන් ඒෂියා බැංකුවේ කොටස් නොතිබූ බවත්, සොරකම් කිරීමට ඔහුට කොටස් තිබිය යුතු බවත්’ය. එමෙන්ම කොටස් විකිණීමට ‘තමා වෙත ඇටර්නිබලපත‍්‍රයක් ලබා දී නොමැති බවත්’ එහෙයින් ‘එවැනි ලේඛණයක් සොයාගත නොහැකි බවත්’ය. කෙසේ නමුත් පසුගියදා ශ්‍රේෂ්ඨාධිකරණයට ගම්මන්පිල මහතා ඉදිරිපත් කළ දිවුරුම් ප‍්‍රකාශ මගින් බ‍්‍රයන් ෂැඞ්ඩික් මහතාට පෑන් ඒෂියා බැංකුවේ කොටස් තිබූ බවත්, ඒවා විකිණීම සදහා ඇටර්නි බලපත්රයක් තමා වෙත ලබා දී තිබූ බවත් පවසා ඇත. එමෙන්ම කොටස් ප‍්‍රසිද්ධ ව්‍යාපාරික ධම්මික පෙරේරා මහතාට විකුණා ලබාගත් මුදල් සිය සගයා වන සිඞ්නි ජයසිංහ යන අයටලබා දුන් බවත් සදහන් කර ඇත. ඉන් පසුව දිවුරුම් ප‍්‍රකාශයක් ලබා දුන් සිඞ්නි ජයසිංහ යන අය ප‍්‍රකාශ කරන්නේ ගම්මන්පිල විසින් අදාළ කොටස් විකුණා මුදල් තමා වෙත ලබා දුන් බවත්, තමා දැන් බොහෝ සෙයින් වයස්ගත බැවින් එම මුදල්වලට කළ දේ තමාට මතක නොමැති බවත්ය.