පිරිතට ලක්ෂ පනහක්.
පිරිත් සජ්ජායනයක් පැවැත්වීම සඳහා සමස්ත ලංකා පැවිදි සංවිධානයට සංචාරක ප්‍රවර්ධන කාර්යාංශය සතු ලක්ෂ 50ක මුදලක් ලබාදීමට සම්බන්ධයෙන් සංචාරක ප්‍රවර්ධන කාර්යාංශයේ හිටපු නිලධාරීන්ට එරෙහිව පවරා ඇති නඩුව සම්බන්ධව නීතිපති උපදෙස් ලබාගැනීම සඳහා නීතිපතිවරයා වෙත සිහිකැඳවීමක් කොටුව මහෙස්ත්‍රාත් සහ අතිරේක දිසා විනිසුරු ලංකා ජයරත්න යොමු කරඇති බව වාර්ථාවේ.
2014 දෙසැම්බර් මාසයේදී සිද්ධිය සිදුවී ඇති අතර ඒ සම්බන්ධව චෝදනා ලැබ සිටින්නේ සංචාරක ප්‍රවර්ධන කාර්යාංශයේ හිටපු සභාපති භාෂ්වර සේනාංක ගුණවර්ධන, හිටපු විධායක අධ්‍යක්ෂ ඩී. එස්. ජයවීර යන අය සහ සංචාරක ප්‍රවර්ධන කාර්යාංශයේ හිටපු අධ්‍යක්ෂවරුන් වන නිල්මිණි වික්‍රමතිලක, දිල්රුක්ෂි කළුතන්ත්‍රී, රූම් ඉර්ෂාඩ් ජවුෆර් අහමඩ්, හේමා ධර්මවර්ධන යන අයයි.
සැප්තැම්බර් 27 වැනිදා නඩුව යළි කැදවීමට නියමිත අතර සැකකරුවන් පිළිබඳ මූලික විමර්ශන අවසන් කර නීතිපතිවරයාගේ උපදෙස් ලබාගැනීමට තිබෙන බවද මෙහිදී මූල්‍ය අපරාධ විමර්ශන කොට්ඨාසය අධිකරණයට දන්වා සිටි ඇත.