මහින්දගේ නිවසේදී අද තීරණාත්මක සාකච්ඡාවක්.
රජයේ නියෝජ්‍ය අමාත්‍යවරුන් අට දෙනෙක් විශේෂ තීන්දුවක් ගැනීම සඳහා හිටපු ජනාධිපති මහින්ද රාජපක්‍ෂ හමුවීමට තීරණය කර ඇති බව වාර්ථා වේ.
මෙම නියෝජ්‍ය අමාත්‍යවරුන් 8 දෙනා පෙරේදා (ජූලි 5) රාත්‍රියේ එක්සත් ජනතා නිදහස් සන්ධාන මහ ලේකම් මහින්ද අමරවීර හමුවී ඔවුන්ගේ අදහස් වත්මන් ජනාධිපතිවරයාට දැනුම් දෙන ලෙසද ඉල්ලා තිබේ. ආණ්ඩුව සම්බන්ධයෙන් පවතින ජනතා විරෝධය ගැන අදහස් පළකර ඇති මෙම නියෝජය අමාත්‍යවරුන් තනි ආණ්ඩුවක් නොමැති තත්වයක් තුළ ජනතාවට සිදුවී ඇති පීඩාව සම්බන්ධයෙන් ඇමති මහින්ද අමරවීර දැනුවත් කර ඇත. ඒ අනුව වත්මන් ජනාධිපතිවරයාට මේ සම්බන්ධයෙන් වහාම මැදිහත් වී තීරණයක් ලබා දෙන්නයි ඔවුන් ඉල්ලා තිබේ. එලෙස පැවැත්වූ සාකච්ඡාවට නියෝජ්‍ය අමාත්‍යවරු රැසක් එක් වී ඇත.
මෙම සාකච්ඡාවෙන් අනතුරුව ගත් තීරණයක් මත නියෝජ්‍ය අමාත්‍යවරු 8 දෙනෙකු හිටපු ජනාධිපතිවරයාව හමුවීමට තීරණය කර ඇත. කෙසේ වුවද ඔවුන් හිටපු ජනාධිපතිවරයා සමඟ සාකාච්ඡා කිරීමට සැලසුම් කර ඇති දේ මෙතෙක් හෙලිවී නොමැත.