වසර 26ක් මුළුල්ලේ පැවැති යුද්ධය සමයේදී සහ ඉන් පසු කාලයේදී සිදු වූ දරුණු මානව හිමිකම් උල්ලංඝණය වීම් සම්බන්ධයෙන් ශ්රී ලංකා රජය මෙතෙක් කිසිවක් කර නැතැයි ද එහෙත් දීර්ඝ කාලීන සාමයක් උදා කරගැනීමට සහ වාර්ගික අර්බුදයට විසඳුමක් දීම සඳහා ගෙන යන වැඩපිළිවෙළ හා ක්රියාවලිය අනෙක් අතට හැරවීමට උත්සාහ කරන ආණ්ඩුව තුළ සිටින ඇතැම් කොටස්වලට ඉඩ නොදීමට ශ්රී ලංකා රජය හා ජනතාව කටයුතු කළ යුතු යැයි මානව හිමිකම් සහ ත්රස්තවාදය පිටු දැකීම පිළිබඳ එක්සත් ජාතීන්ගේ විශේෂ නියෝජිත බෙන් එමර්සන් පවසයි.
ශ්රී ලංකා රජයේ ආරාධනාව පස්දින නිල සංචාරයක් සඳහා මෙරටට පැමිණි බෙන් එමර්සන් එම සංචාරය අවසන් කරමින් කොළඹ එක්සත් ජාතීන්ගේ මූලස්ථානයේ පැවැති මාධ්ය හමුවකට එක්වෙමින් එම අදහස් පළ කළේය.