නව ස්මාර්ට් ජාතික හැඳුනුම්පතක් ලබන ඔක්තෝම්බර් මාසයේ සිට නිකුත් කිරීමට තීරණය කර ඇති බවට පුද්ගලයින් ලියාපදිංචි කිරීමේ දෙපාර්තමේන්තුව ප්රකාශ කරයි.
පළමු අදියර යටතේ වයස අවුරුදු 15 සම්පූර්ණ වූ අළුතෙන් ජාතික හැඳුනුම්පත් අයදුම් කරන්නන්ට හා නැතිවූ හැඳුනුම්පත් හා සංශෝධන හැඳුනුම්පත් සඳහා නව ජාතික ස්මාර්ට් හැඳුනුම්පත් ලබාදෙන බව පුද්ගලයින් ලියාපදිංචි කිරීමේ දෙපාර්තමේන්තුවේ කොමසාරිස් ජනරාල්වරයා ප්රකාශ කර සිටියි. එසේම දෙවන අදියර ලෙස 2018 වසරේ සිට ස්මාර්ට් ජාතික හැඳුනුම්පතට ඇඟිලි සලකුණ හා ඡායාරූපය ඇතුළත් ජීව මිතික දත්ත ඇතුළත් කෙරෙන බවද ඒ සඳහා ග්රාම නිලධාරී මඟින් ජාතික පුද්ගල නාමලේඛණ රට පුරා සැකසෙන බවද ඔහු පවසා ඇත.
නව ජාතික හැඳුනුම්පත දැනට ජාතික හැඳුනුම්පත් හිමි මිලියන 16 පමණ වන ජනතාවට අළුතෙන් ගැනීමට සිදුවන බවත් ඔහු වැඩිදුරටත් පවසා සිටියි.