සෞඛ්‍ය අැමති මාලදිවයිනට.
ලෝක සෞඛ්‍ය සංවිධානයේ දකුණු සහ නැගෙනහිර ආසියානු රටවල සෞඛ්‍ය අමාත්‍යවරුන්ගේ 70 වන සැසිවාරය ලබන 06 වනදා සිට 11 වනදා දක්වා මාලදිවයිනේ මාලේ අගනුවර දී පැවැත්වීමට නියමිත අතර, සෞඛ්‍ය අමාත්‍ය රාජිත සේනාරත්න හෙට (05) මාලදිවයින බලා යාමට නියමිතව ඇත.
මෙම සැසිවාරයේ සභාපතීත්වය හොඹවන අමාත්‍ය රාජිත සේනාරත්න මෙවර එම සභාපතීත්වය මාලදිවයින් සෞඛ්‍ය අමාත්‍ය අබ්දුල් නසීම් වෙත පිරිනෑමීමට නියමිතය.
මෙවර සැසිවාරයේදී බෝනොවන රෝග සහ දේශගුණික විපර්යාස කෙරෙහි අවධානයක් යොමු කිරීමට නියමිත අතර සෞඛ්‍ය අමාත්‍ය රාජිත සේනාරත්න විසින් විශේෂ දේශනයක් පැවැත්වීමට ද නියමිත බව සෞඛ්‍ය අමාත්‍යංශය සඳහන් කළේය.