ව්‍යාජ මුදල් නෝට්ටු සමඟ සැකකරුවන් හසුවේ.
මිද්දෙණිය ප්‍රදේශයේ නිවසක් වටලා එහි අයිතිකරු සන්තකයේ තිබී ව්‍යාජ රුපියල් 1000 මුදල් නෝට්ටු 245 ක් සහ ව්‍යාජ රුපියල් 5000 නෝට්ටු 41ක් සමඟ එම අයිතිකරු මිද්දෙණිය පොලීසිය විසින් අත්අඩංගුවට ගෙන ඇත.
අත්අඩංගුවට ගත් සැකකරුගෙන් ප්‍රශ්න කිරීමේදී වීරකැටිය පාර, මිද්දෙණිය ප්‍රදේශයේ ඡායාරූප ශාලාවක් පවත්වාගෙන ගිය එහි හිමිකරු මෙම ව්‍යාජ මුදල් නෝට්ටු මුද්‍රණය කර ඇති බවට අනාවරණය වී ඇති අතර එම ස්ථානයේ තිබී මුදල් නෝට්ටු මුද්‍රණය කරන මුද්‍රණ යන්ත්‍රයක් හා එහි හිමිකරු අත්අඩංගුවට ගෙන ඇත.
සැකකරුවන් මිද්දෙණිය ප්‍රදේශයේ පදිංචිකරුවන් වන අතර ඔවුන් අද වලස්මුල්ල මහේස්ත්‍රාත් අධිකරණය වෙත ඉදිරිපත් කිරීමට නියමිත බව සඳහන් වේ.