ගාල්ල, මාතර, රත්නපුර සහ කළුතර දිස්ත්‍රික්ක වලට තද වැසි.
බස්නාහිර, දකුණු, මධ්‍යම සහ සබරගමුව පළාත්වල විශේෂයෙන් ගාල්ල, මාතර, රත්නපුර සහ කළුතර දිස්ත්‍රික්ක වලටත් ඉතා තද වැසි හෝ ගිගුරුම් සහිත වැසි(මි.මි. 100-150 ක පමණ) ඇති විය හැකි බව කාලගුණ විද්‍යා දෙපාර්තමේන්තුව පවසයි.
දිවයිනේ සෙසු ප්‍රදේශවලට විශේෂයෙන් සවස 2.00 න් පසු තද වැසි හෝ ගිගිරුම් සහිත වැසි ඇති විය හැකි බවද, රත්නපුර, කළුතර, ගාල්ල, සහ මාතර දිස්ත්‍රික්කවක වලත් සමහර ස්ථානවලට තද වැසි (මි.මි. 100-150 ක පමණ) ඇති වන අතර එම ප්‍රදේශ වල තාවකාලිකව තද සුළං ඇති විය හැකි බවද කාලගුණ විද්‍යා දෙපාර්තමේන්තුව පවසයි.
අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසද ජනතාවගෙන් ඉල්ලා සිටියි.