ලංකා බැංකුව, මහජන බැංකුව සහ ශ‍්‍රී ලංකා රක්ෂණ සංස්ථාවත් විකිණේ?
වත්මන් ආණ්ඩුව බලයට පත්වන විට ප්රකාශ කර සිටියේ පාඩු ලබන රාජ්‍ය ආයතන පෞද්ගලික ව්‍යවසාය සමග ඒකාබද්ධ කර ඒවා ලාභ ලබන ආයතන බවට පත් කරනවා යැයිද, මෙම අරමුණට එරෙහිව කණපිට පෙරලාගත් වැඩපිළිවෙලක් යහපාලන ආණ්ඩුව මේ වන විට ආරම්භකර ඇති බවද සමස්ත ලංකා බැංකු සේවක සංගමය පවසා සිටී. පාඩු ලබන, අර්බූදයට ගොස් ඇති නෙවිල් ප‍්‍රනාන්දු රෝහල, බදු පදනමකින් ආණ්ඩුවේ මුදල් යොදාගෙන පවත්වාගෙන යාමේ බර කරට ගන්නා ගමන්, ආණ්ඩුවේ බරින් විශාල පංගුවක් කරගසාගෙන සිටින ලංකා බැංකුව, මහජන බැංකුව සහ ශ‍්‍රී ලංකා රක්ෂණ සංස්ථාව කොටස් නිකුතුවක් හරහා පෞද්ගලික ව්‍යවසායකයන් අතට පත්කිරීමේ කුමන්ත‍්‍රණයක් ආණ්ඩුව මේ වන විට ආරම්භකර ඇති බවත් ඔවුන් වැඩිදුරටත් ප්රකාශ කර ඇත.