පළාත් පාලන මැතිවරණ කල් දැමීම පිළිබඳව සාකච්ඡා කිරීම සඳහා ඊයේ (23) පැවති විශේෂ රැස්වීමේදී, 2018 ජනවාරි 27 වැනි දින පළාත් පාලන මැතිවරණ පැවැත්වීමට පක්ෂ නායකයින් තීරණය කළ බව වාර්තාවේ.
මැතිවරණ කොමසාරිස්වරයා මෙතෙක් නිල වශයෙන් නිවේදනය කර නොමැති වුවද, ජනවාරි 27 දා මැතිවරණය පැවැත්වීමට පක්ෂ නායකයින් එකඟ වී ඇති බව දේශපාලන ආරංචි මාර්ග පවසයි.
පළාත් පාලන මැතිවරණය ජනවාරි මාසයේදී පැවැත්වීමට ආණ්ඩුවට ඉඩ සලසා දීම සඳහා සියලු පක්ෂ විසින් කටයුතු කඩිනම් කරනු ඇත.
පළාත් පාලන මැතිවරණයේ ගැසට් නිවේදනය ලබන සතියේ පාර්ලිමේන්තුවේදී ප්රකාශයට පත් කරන බව පළාත් පාලන හා පළාත් සභා අමාත්ය ෆයිසර් මුස්තාපා මහතා ඊයේ සවස ප්රකාශ කළේය.