ලන්ච්ශීට් හා ෂොපින් බෑග් මිල ඉහළට?

රජයේ නිර්ණායකවලට අනුව ලන්ච්ශීට් එකක් නිෂ්පාදනයට රුපියල් 2.90 ආසන්න මුදලක් වැයවන බවත් කුඩාම වර්ගයේ ෂොපින් බෑගයක් නිෂ්පාදනයට රුපියලක මුදලක් වැයවන බවත් සමස්ත ලංකා පොලිතීන් නිෂ්පාදකයින්ගේ සංගමය පවසා ඇත.

මීට පෙර නිෂ්පාදන ක්‍රියාවලියේදී ලන්ච්ශීට් එකක් නිෂ්පාදනට හා ෂොපින් බෑගයක් නිෂ්පාදනයට ශත 60 බැඟින් පමණක් වියදම් වූ බව එම සංගමයේ ලේකම්වරයා පවසා ඇත.

එහෙත් නව අමුද්‍රව්‍යවලින් භාණ්ඩ නිෂ්පාදනයට සැලකිය යුතු මුදලක් වැය වන නිසා ලන්ච්ශීට් එකක මිල රුපියල් 3.50 – 4.00 මිලකටත් කුඩාම ෂොපින් බෑගයක් රුපියල් 1.50 – 2.00 අතර මිලකටත් මිල ඉහල යා හැකි බවත් ඔහු සඳහන් කර ඇත.