මවුකිරෙන් පළමුතැන ලංකාවට.
මවුකිරි ලබාදීමේ වැඩිම ප්‍රතිශතයක් ඇති රට ලෙස ශ්‍රී ලංකාව පත්ව ඇති බව සෞඛ්‍ය සේවා අධ්‍යක්ෂ ජෙනරාල් විශේෂඥ වෛද්‍ය පාලිත මහීපාල පවසනවා.
ඒ රටවල් 121ක් කේන්ද්‍ර කර ගනිමින් 2016 වර්ෂයේ සිදුකරන ලද සමීක්ෂණයකින් අනතුරුවයි.
ඉපදී පළමු පැය ඇතුළත මවුකිරි ලබාදීමේ ප්‍රතිශතය 92%ක අගයක් වාර්තා කරමින් මෙම ජයග්‍රහණය ලැබීමට ලංකාවට හැකි වුවත්, එය 95% දක්වා වැඩි කරගත යුතු බවද, ඔහු සෞඛ්‍ය අධ්‍යාපන කාර්යාංශයේ පැවති මාධ්‍ය සම්මන්ත්‍රණයකදී ද පැවසුවේ ය.
මෙම අගය දරුවාට මාස හතරක් පසුවන විට ක්‍රම‘යෙන් අඩු වීමක් දක්නට ලැබෙන බැවින් අඩුම තරමින් මාස 06 ක් වත් මවුකිරි පමණක් දරුවන්ට ලබාදීම සඳහා මවුවරුන් දැනුවත් කළයුතු බවද හෙතෙම පැවසුවේය.
ඒ අනුව ළඳරු කිරි පිටි ප්‍රචාරක දැන්වීම් අවම කිරීම සඳහා අදාළ පනත්වල වගන්ති සංශෝධනය කිරීමට නියමිත බවද ඔහු සදහන් කළේ ය.