මාධ්යවේදී ප්රගීත් එක්නැළිගොඩ අතුරුදන් කිරීම සම්බන්ධ නඩුව සඳහා යුධ හමුදාවෙන් ඉල්ලා ඇති තොරතුරු අන්තර්ගත පොත්පත් විනාශ කර ඇති බවට තොරතුරු තිබුණද එය සිදුකළ අයට එරෙහිව වත්මන් යුධ හමුදාපතිවරයා හෝ හිටපු හමුදාපතිවරයා කිසිඳු ක්රියාමාර්ගයක් ගෙන නැති බව යුධ හමුදා ආරංචි මාර්ග සඳහන් කර ඇත. මේ සම්බන්ධයෙන් හිටපු ගුවන් හමුදාපතිවරයාගේ හා වත්මන් යුධ හමුදාපතිවරයාගේ කාලයේදීත් පරීක්ෂණ සිදුකර ඇති බවද සඳහන් වේ.
ප්රගීත් එක්නැළිගොඩගේ අතුරුදන් වීම සම්බන්ධ නඩුව හෝමාගම අධිකරණයේදී පසුගියදා කැඳවා ඇති අතර එහිදී මහේස්ත්රාත්වරයා යුධ හමුදාවෙන් පැමිණි නිලධාරීන්ට නියෝග කර ඇත්තේ, අධිකරණයට අවශ්ය තොරතුරු ලබාදිය නොහැකි නම් ඊට හේතුවද ඊළඟ නඩු වාරයේදී අධිකරණයට ඉදිරිපත් කරන ලෙසයි.