හොරු, මංකොල්ලකාරයෝ 50ක් මැතිවරණයට.
ඉදිරියේදී පැවැත්වීමට නියමිත පළාත් පාලන මැතිවරණයට මහජන නියෝජිතයෙකු වීමට සුදුසු නොවන අපේක්ෂකයින් 50 දෙනෙකු පමණ ඉදිරිපත් වීමට යන බව මාර්තු 12 ව්‍යාපාරයේ කැඳවුම්කරු රෝහණ හෙට්ටිආරච්චි පවසා ඇත.
නීති විරෝධී මත්පැන්, කසිප්පු ජාවාරම්, සූදුවේ යෙදීම් සම්බන්ධ චෝදනා එල්ල වූවන් 14ක්, පුද්ගල පහරදීම් හෝ ප්‍රචණ්ඩ ක්‍රියාවලට සම්බන්ධ 06ක්, මිනී මැරුම් චෝදනා සහ දරුණු අපරාධකරුවන් 06ක්, මුදල් වංචනිකයින් මංකොල්ලකරුවන් 14ක්, පාතාල නායකයින් 05ක් දැව ජාවාරම්කරුවන් 04ක් හා ස්ත්‍රී දූෂකයෙක්ද පළාත් පාලන ආයතන ගණනාවකට අපේක්ෂකයින් ලෙස ඉදිරිපත් වී ඇති බවද ඔහු පවසා ඇත.