ශ්රී ලංකා වෛද්ය සභාවේ නිලවරණය ලබන 23 සහ 24 යන දෙදින තුළ පැවැත්වීමට නියමිත බව වාර්ථා වේ. ඒ සඳහා අපේක්ෂකයින් 13 දෙනෙකු ඉදිරිපත් වීමට නියමිත බවත් ඉන් සාමාජිකයින් සිව්දෙනෙකු තෝරා පත්කර ගැනෙන බවත් ශ්රී ලංකා වෛද්ය සභාව සඳහන් කර ඇත.
ඡන්දය ප්රකාශ කිරීම සඳහා වෛද්යවරුන් 27,500 ක් සුදුසුකම් ලබා ඇති බවත් රජයේ , පෞද්ගලික සහ ත්රිවිධ හමුදාව නියෝජනය කරන වෛද්යවරුන් ඒ අතර වන බවත් සඳහන් වේ. මෙවර නිලවරණයේ ඇති විශේෂත්වයක් වනුයේ රජයේ වෛද්ය නිලධාරීන්ගේ සංගමයේ ක්රියාකාරී සාමාජිකයින්ද ඒ සඳහා ඉදිරිපත්ව සිටීම බව වැඩිදුරටත් සඳහන් වේ.