එළැඹෙන පෙබරවාරි 10 වැනි දින පැවැත්වීමට නියමිත පළාත් පාලන ආයතන ඡන්ද විමසීමේ දී ඡන්ද පොළට යෑම සඳහා අපහසු කායික දුබලතාවයෙන් යුතු තැනැත්තන් හට විශේෂ ප්රවාහන පහසුකම් සඳහා ඉල්ලුම් කිරීමට හිමිකම් තිබෙන බව මැතිවරණ කොමිෂන් සභාවේ සභාපති මහින්ද දේශප්රිය සඳහන් කර සිටියි. ඒ අනුව මෙම පහසුකම් සඳහා වූ අයදුම්පත් ඡන්ද විමසීම පවත්වනු ලබන දිනයට දින හතරකට පෙර එනම් පෙබරවාරි 03 වන දින හෝ ඊට පෙර ලබා දී අදාළ තේරීම්භාර නිලධාරි සෑහිමට පත්වන්නේ නම්, එම තැනැත්තා හට විශේෂ ප්රවාහන පහසුකම් ලබා ගැනීම සඳහා අවසර පත් නිකුත් කළ හැකි බව පැවසේ.