මාලබේ සයිටම් සිසුන් අද නිහඬ විරෝධයේ
මාලබේ පෞද්ගලික වෛද්‍ය විද්‍යාලයේ සිසුන් සහ මව්පියන් අද පෙරවරුවේ විරෝධතාවක නිරත විය .ඒ පවතින ගැටලූකාරී තත්ත්වයන්ට කඩිනමින් විසඳුමක් ලබාදෙන ලෙස ඉල්ලා සිටිමින්ය.
අද පෙරවරුවේ පැවති විරෝධතාවට මාලබේ පෞද්ගලික වෛද්‍ය විද්‍යාලයේ සිසුන් සහ මව්පියන් එක්ව සිටි අතර . වෛද්‍ය සභාව ඉදිරිපිට විරෝධතාවයේ නිරත වූ ඔවුන් පසුව සෞඛ්‍ය අමාත්‍යාංශය දක්වා පා ගමනින් ගමන් කළේය . එහිදී පවතින ගැටලූකාරී තත්ත්වයන් සම්බන්ධයෙන් ඔවුන් සෞඛ්‍ය අමාත්‍ය රාජිත සේනාරත වෙත ලිපියක් භාරදීමට කටයුතු කළේ ය .
පසුව සිසුන් සහ මව්පියන් උසස් අධ්‍යාපන අමාත්‍යාංශය දක්වා නැවතත් පා ගමනින් පැමිණි නිහඩ විරෝධතාවයේ නිරත විය .