බලය පිහිටුවන්න එජාපයෙන් විශේෂ වැඩපිළිවෙලක්.
පළාත් පාලන ආයතනවල බලය පිහිටුවීම සම්බන්ධයෙන් විශේෂ වැඩපිළිවෙළක් ක්‍රියාත්මක කිරීමට එක්සත් ජාතික පක්ෂය තීරණය කර ඇති බව සඳහන් වේ. එම පක්ෂයේ මහලේකම් අමාත්‍ය කබීර් හෂීම් සඳහන් කර ඇත්තේ, පළාත් පාලන ආයතන සඳහා තේරී පත්වූ සභිකයින් නම් කිරීමෙන් අනතුරුව එම වැඩපිළිවෙළ ක්‍රියාත්මක කිරීමට සැලසුම් කර ඇති බවයි.
එමෙන්ම ඒ සඳහා පස් දෙනෙකුගෙන් සමන්විත කමිටුවක් පත්කිරීමට ද සිරිකොත පක්ෂ මූලස්ථානයේ පැවති සාකච්ඡාවේ දී එකඟතාව පළ කළ බව සඳහන් වේ.