වත්කම් හෙළි නොකලොත් දඩය ලක්ෂයක්.
වත්කම් බැරකම් ප්‍රකාශ නොකිරීමේ වරදට දඩය වශයෙන් තිබූ රුපියල් දහසේ මුදල රුපියල් ලක්ෂය දක්වා වැඩි කිරීමට වත්කම් බැරකම් ප්‍රකාශ කිරිම පිළිබඳ පණත සංශෝධනය කිරිමට යන බව සඳහන් වේ. 1988 වත්කම් බැරකම් පිළිබඳ පණත සංශෝධනය කරමින් මෙය ක්‍රියාවට නංවන බව අල්ලස් හෝ දූෂණ විමර්ශන සභාවේ අධ්‍යක්ෂ ජනරාල් සරත් ජයමාන්න අනාවරණය කර ඇත.
විමර්ශනවලදී අසත්‍ය තොරතුරු ලබාදීමද වරදක් බවත්, ණය, බුද්ධිමය දේපල රක්ෂණ හා විදුලිය හා දුරකථන බිල්පත්, ප්‍රසාද දීමනා, විවිධ ආයතනවලින් ලබාදෙන අනුග්‍රාහකත්වය, යම් අයෙක් හෝ කණ්ඩායමක් විසින්ල බාදෙන තෑගි, සංවිධානයක් හෝ සමාජ ශාලාවල සාමාජිකත්වය ලබාදීම වැනි දෑ මෙම නව සංශෝධනය අනුව වැරදි බවත් අල්ලස් හෝ දූෂණ විමර්ෂණ කොමිෂන් සභාවේ අධ්‍යක්ෂ ජනරාල්වරයා සදහන් කර ඇත.