යුරෝපයේ ප්‍රධානියෙක්, රෙජිනෝල්ඩ් කුරේ සමග සාකච්ඡාවක්
දිවයිනට පැමිණ සිටින යුරෝපා බාහිර ක‍්‍රියාකාරකම් සේවාවන්හි, ප්‍රාදේශීය කළමනාකාර ජෝඩි කරස්කෝ උතුරු පළාත් ආණ්ඩුකාර රෙජිනෝල්ඩ් කුරේ හමුවී සාකච්ඡා පවත්වා තිබේ.
ඒ යාපනයේ පිහිටි ආණ්ඩුකාර කාර්යාලයේ දී ය
එහිදී උතුරු පළාතේ සංවර්ධන කටයුතු සිදුකිරීම සම්බන්ධයෙන් ආයෝජන සමුළුවක් මේ මස 22 වන දින පැවැත්වීමට නියමිත බව රෙජිනෝල්ඩ් කුරේ පවසා තිබේ.
මේ සම්බන්ධයෙන් වන සම්බන්ධීකරණ කාර්යාලයක් යාපනය දිස්ත්‍රික් ලේකම් කාර්යාලය තුළ ස්ථාපිත කිරීමට නියමිත බව ද ආණ්ඩුකාරවරයා සඳහන් කර ඇත.
මේ අතර මෙම සාකච්ඡාවේ දී උතුරු පළාතේ නැවත පදිංචි කිරීමේ කටයුතු, පුනරුත්ථාපනය වූ එල්.ටී.ටී.ඊ. සාමාජිකයින්, ඉන්දු ලංකා ධීවර ගැටළුව සහ උතුරු පළාතේ විරැකියාව සම්බන්ධයෙන් ද සාකච්ඡා වී තිබේ..