නව ව්‍යවස්ථාවෙන් බුදු දහමට හිමිතැන මල්වතු මහනාහිමි සොයයි.
නව ආණ්ඩුක‍්‍රම ව්‍යවස්ථාවට අදාළව බුදු දහම සම්බන්ධයෙන් සමාජයේ මතුව ඇති චෝදනාවන්ට ආණ්ඩුව පිළිතුරු ලබාදිය යුතු බව මල්වතු පාර්ශවයේ මහනායක තිබ්බටුවාවේ ශ‍්‍රී සුමංගල මහනාහිමියන් ප්‍රකාශ කරයි.
මල්වතු පාර්ශවයේ මහනායක තිබ්බටුවාවේ ශ‍්‍රී සුමංගල මහනාහිමියන් බැහැ දැකීමට අමාත්‍ය සරත් අමුණුගම පැමිණිවිට මහනායක හිමියන් අමාත්‍යවරයාට මේ බව ප්‍රකාශ කර තිබේ.
මහනායක හිමියන් බැහැදැකීමෙන් පසු මාධ්‍ය හමුවේ අදහස් පළ කරමින් අමාත්‍යවරයා කියා සිටියේ යෝජිත නව ආණ්ඩුක‍්‍රම ව්‍යවස්ථාව මගින්ද බුදු දහමට ලබාදී ඇති ප‍්‍රමුඛස්ථානය ඒ අයුරින්ම සුරක්ෂිත කෙරෙන බවය.