රැදවියන් ආහාර වර්ජනයක
අත්අඩංගුවට පත්ව වසර හතකට වැඩි කාලයක් අඛන්ඩව අනුරාධපුර බන්ධනාගාරයේ බන්ධනාගාරගත කර සිටින එල්.ටී.ටී.ඊ සංවිධානයේ රැඳවියන් විසි දෙදෙනෙකු (22) තමන්ගේ අධිකරණ කටයුතු කඩිනම් කරන ලෙස රජයට හා අධිකරණයට බලකරමින් නැවතත් ආහාර වර්ජනයක නිරත වන බව බන්ධනාගාර අභ්‍යන්තර ආරංචි මාර්ග සදහන් කළේ ය.
අනුරාධපුර බන්ධනාගාරයේ උපරිම සිරැදිරියේ (මැක්සිමම් ෂෙල්) දැඩි ආරක්ෂාව යටතේ සිටින රැදවියන් 22 ක් මෙලෙස ආහාර වර්ජනය කර ඇති අතර ඔවුන්ට උදෑසන ආහාරය ලබාදීමට ගිය අවස්ථාවේ ආහාර අනවශ්‍ය බවත් තමන්ට ඇති චෝදනාවන්සම්බන්ධයෙන් අධිකරණයේ විභාගවන නඩු කඩිනම් කිරීමට කටයුතු කරන තෙක් ආහාර නොගෙන උපවාසයේ යෙයෙදෙන බවත් බන්ධනාගාර නිළධාරින්ට දන්වා තිබේ.
තමන්ට ඇති චෝදනාවන් සම්බන්ධයෙන් අධිකරණයේ විභාගවන නඩු කඩිනමින් විභාගකර තීන්දු ප්‍රකාශයට පත්කරන ලෙස ඉල්ලමින් එල්.ටී.ටී.ඊ සැකකරුවන් මේ වසරේ මුලදීත් ආහාර වර්ජනයක නිරතවූ අතර ඊට පෙර අවස්ථා කිහිපයතදීත් ඔවුන් ආහාර පාන වර්ජනයේ නිරතවිය.