නියෝජ්‍ය කතානායක ධූරය අංගජන් රාමනාදන්ට.
ශ්‍රී ලංකා පාර්ලිමේන්තුවේ පුරප්පාඩු වී ඇති නියෝජ්‍ය කතානායක ධූරය සඳහා අංගජන් රාමනාදන් පත්කිරීමට නියමිත බව සඳහන්වේ. ඔහු එක්සත් ජනතා නිදහස් සන්ධානයේ ජාතික ලැයිස්තු මන්ත්‍රීවරයෙකු ලෙස පාර්ලිමේන්තුව නියෝජනය කරයි.
කතානායක කරු ජයසූරිය විසින් ඔහුගේ නම නියෝජ්‍ය කතානායක ධූරය සඳහා නිර්දේශ කර ඇති බවයි වාර්තා වන්නේ.
තිලංග සුමතිපාල අදාළ තනතුරෙන් ඉල්ලා අස්වීමෙන් පසු මාසයකට අධික කාලයක් තිස්සේ නියෝජ්‍ය කතානායක ධූරය පුරප්පාඩු වී තිබේ. කතානායකවරයා මීට පෙර ප්‍රකාශ කළේ ජනාධිපතිවරයා සහ අගමැතිවරයාට අතර එකඟතාවයක් නොමැතිවීම හේතුවෙන් අදාල පුරප්පාඩුව පිරවීම කල්යන බවයි.