ජෝන්ස්ටන් ප්‍රනාන්දු FCIDයේ.
පසුගිය රජය සමයේ කැබිනට් අනුමැතියකින් තොරව මෙරටට සහල් තොගයක් ආනයනය කළැයි කියන සිද්ධිය සම්බන්ධයෙන් ප්‍රකාශයක් ගැනීමට පාර්ලිමේන්තු මන්ත්‍රී ජෝන්ස්ටන් ප්‍රනාන්දු පොලිස් මූල්‍ය අපරාධ විමර්ශන කොට්ඨාසය වෙත කැඳවා තිබේ.
2014 වසරේදී කැබිනට් අනුමැතියකින් තොරව සහල් මෙක්ට්‍රික් ටොන් 227,717ක් ලංකා සතොසට ගෙන්වීමේදී සිදු වූ බව කියන මූල්‍ය අක්‍රමිකතාවක් සම්බන්ධයෙන් ප්‍රකාශයක් සටහන් කර ගැනීමට පියවර ගෙන ඇත.
පොලිස් මූල්‍ය අපරාධ විමර්ශන කොට්ඨාසය පැවසුවේ මේ වන විට අදාළ සිද්ධිය සම්බන්ධයෙන් ඔහුගෙන් ප්‍රකාශ ලබාගනිමින් සිටින බවය.
මෙම සිද්ධිය සම්බන්ධයෙන් ඉකුත් දිනක ඔහු ජනාධිපති විමර්ශන කොමිසමට ද කැඳවා තිබිණ.