හනුමන් පාලම ගැන ජනපති හඬ අවදිකරයි.
ඉන්දියාව සහ ශ්‍රී ලංකාව යා කරමින් පාලමක් ඉදිකිරීම සම්බන්ධයෙන් දෙරටේ රජයන් කිසිදු සාකච්ඡාවක් පවත්වා නොමැති බව ජනාධිපති මෛත්‍රිපාල සිරිසේන පවසයි.
ජනාධිපතිවරයා මේ බව ප්‍රකාශ කළේ ගනේලන්ද රජමහා විහාරස්ථානයේ පැවති ආගමික උත්සවයකට එක්වූ අවස්ථාවේදීය.
ඉන්දියාව හා ශ්‍රී ලංකාවේ තලෙයිමන්නාරම අතර පාලමක් ඉදිරිකිරීමට සැලසුම් කර ඇති බවත්,එය සාදනු ලැබුවහොත් තමන් ගොස් එය පුපුරුවා හරින බවට කොළඹ දිස්ත්‍රීක්කයේ මන්ත්‍රීවරයෙකු පසුගියදා කියා සිටි බව ජනාධිපතිවරයා මෙහිදී සිහිපත් කළේ ය.
හැදුවොත් පුපුරුවන්නේ කොහොමදැයි එය දුටු තමාට සිනා පහළවූ බවද ජනාධිපතිවරයා සඳහන් කළේ ය.
ඉන්දියාවේද ලංකාවේ මෙන් පටු දේශපාලන වාසි තකා බොරු කියන දේශපාලනඥයින් සිටින බව අප තේරුම් ගත යුතු බවද ජනපතිවරයා ප්‍රකාශ කළේ ය.
කෙසේ වෙතත් එවැනි අමනෝඥ හා දේශද්‍රෝහි ක්‍රියා කිසි විටෙකත් සිදුනොකරන බව ජනාධිපතිවරයා මෙහිදී අවධාරණය කළේ ය.