වැලිකඩ සමුහ ඝාතනය – රස පරීක්ෂක වාර්ථාව කඩිනම් කරන්න නියෝග.
2012 නොවැම්බර් මාසයේ වැලිකඩ බන්ධනාගාරය තුළ ඇතිවූ ගැටුමේදී මියගිය සිරකරුවන්ගේ මලසිරුරු අසල තිබූ උණ්ඩවලට අදාළ රස පරීක්ෂක වාර්ථාව කඩිනමින් ඉදිරිපත් කරන ලෙස කොළඹ මහේස්ත්‍රාත් අධිකරණය, රජයේ රස පරීක්ෂකවරයාට නියම කර ඇත. අධිකරණය මෙම නියෝගය කරනු ලැබුවේ වැලිකඩ සිරකරු ඝාතනයට අදාළ පැමිණිල්ල කොළඹ මහේස්ත්‍රාත් අධිකරණය හමුවේ යළි කැඳවූ අවස්ථාවේදී රහස් පොලිසිය කළ ඉල්ලීමක් සලකා බැලීමෙන් පසුවය.
ගැටුම අවස්ථාවේ දී මියගොස් සිටි සිරකරුවන් අසල තිබී සොයාගත් වෙඩි උණ්ඩ වැඩිදුර පරීක්ෂණ සඳහා රජයේ රස පරීක්ෂකවරයා වෙත යොමුකර ඇති නමුත්, වාර්තා ලබා ගැනීමට තවත් කලක් ගත විය හැකි බව රජයේ රස පරීක්ෂකවරයා විසින් දැනුම් දී ඇතැයි රහස් පොලිසිය අධිකරණය හමුවේ කරුණු දක්වමින් සඳහන් කර ඇත. එබැවින් පරීක්ෂණ කඩිනමින් මෙහෙයවීම සඳහා අදාළ වාර්තා ලබා දෙන ලෙස රජයේ රස පරීක්ෂකවරයාට නියෝග කරන මෙන් රහස් පොලීසිය අධිකරණයෙන් ඉල්ලීමක් කර ඇත.