ධූර ඉවත්කිරීම, පක්ෂයේ සභාපතිවරයාට හා ලේකම්වරයාට ස්තූතියි.(වීඩියෝ)
තමන් තනතුරුවලින් ඉවත් කරනු ලැබුවද ජනතාවගේ හදවත් තුළින් ඉවත් කළ නොහැකි බව එජනිස පාර්ලිමේන්තු මන්ත්‍රී රෝහිත අබේගුණවර්ධන පවසයි.
තනතුරුවලින් ඉවත්කරමින් පක්ෂයේ අසාධාරණකම්වලට ලක්වෙන්නට ලක්වෙන්නට තව තවත් ජනතා හදවත් තුළට ඇතුළුවන බව මන්ත්‍රීවරයා කියා සිටියේ කොළඹ පැවති ඒකාබද්ධ විපක්ෂයේ මාධ්‍ය හමුවකට එක්වෙමිනි.
මෙම මාධ්‍ය හමුවට එක්වුණු පාර්ලිමේන්තු මන්ත්‍රීනි පවිත්‍රා වන්නිආරච්චි කියා සිටියේ තම පවුල කිසිදාක ශ්‍රීලනිපය හැර නොගිය බවයි.
මේ අතර මෙම මාධ්‍ය හමුවට එක්වුණු ප්‍රසන්න රණතුංග කියා සිටියේ තම සංවිධායක ධූරය ඉවත්කිරීම සම්බන්ධයෙන් පක්ෂයේ සභාපතිවරයාට හා ලේකම්වරයාට තම ස්තූතිය පළකරන බවයි.