ජනපතිගේ හා ගෝඨාගේ ආරක්ෂාවට එජාප මන්ත්‍රී කවින්දත් පෙරට.
මෛත්‍රීපාල සිරිසේන ජනාධිපතිවරයාගේ සේම හිටපු ආරක්ෂක ලේකම් ගෝඨාභය රාජපක්ෂගේද ආරක්ෂාව තර කළ යුතු බව එක්සත් ජාතික පක්ෂ පාර්ලිමේන්තු මන්ත්‍රී කවින්ද ජයවර්ධන පවසා සිටී. ඊයේ ජා ඇල ප්‍රදේශයේ පැවති උත්සවයකට සහභාගීවිමෙන් අනතුරුව මාධ්‍යවේදීන් නැගූ ප්‍රශ්නවලට පිළිතුරු ලබාදෙමින් මන්ත්‍රීවරයා මේ බව සඳහන් කළේය.
එහිදි පොලිස්පතිවරයා සම්බන්ධයෙන් මාධ්‍යවේදින් නැගු ප්‍රශ්නයකට පිළිතුරු ලබා දෙමින් මන්ත්‍රීවරයා පැවසුවේ පොලිස්පතිවරයාගේද යම් යම් දුර්වලතා තිබෙන බවත් සෑම පුද්ගලයෙකුගේම කුමක් හෝ දුර්වලතාවයක් තිබෙන බවත්ය.
නමුත් ඔහු යම් වරදක් කර ඇත්නම් ඒ සම්බන්ධයෙන් පරික්ෂණයක් පවත්වා දඩුවම් ලබා දිය යුතු බවද මන්ත්‍රිවරයා වැඩිදුරටත් පැවසීය.