නාමල් අත අතහැර පොහොට්ටුවට.
තමා ශ්‍රී ලංකා පොදුජන පෙරමුණට එක්වන බව හිටපු පාර්ලිමේන්තු මන්ත්‍රී නාමල් රාජපක්ෂ, ට්විටර් පණිවුඩයක් නිකුත් කරමින් කියා සිටී.
මහින්ද රාජපක්ෂ ඇතුළු රාජපක්ෂලා සහ ඒකාබද්ධ විපක්ෂය නියෝජනය කළ හිටපු පාර්ලිමේන්තු මන්ත්‍රීවරුන් සියලු දෙනා පසුගිය කාලයේදී පොදුජන පෙරමුණ ලෙස කටයුතු කළ ද එය නිළ වශයෙන් පිළිගෙන නොතිබිණි. ඒ ඔවුන් එක්සත් ජනතා නිදහස් සන්ධානයෙන් පාර්ලිමේන්තුව නියෝජනය කළ බැවිනි.
බොහෝ දුරට මහින්ද රාජපක්ෂ ඉදිරි මැතිවරණය සඳහා පොදුජන පෙරමුණෙන් ඉදිරිපත්වීමට ඉඩ ඇති අතර පසුගිය දිනවලදීද ඒ සම්බන්ධයෙන් විවිධ වාර්තා පළවිය. නාමල් රාජපක්ෂ පොහොට්ටුවේ සාමාජිකත්වය ලබාගන්නා බව නිළ වශයෙන් ප්‍රකාශ කිරීමත් සමගින් එය තවදුරටත් තහවුරු වනු ඇත.
