පාර්ලිමේන්තුව ඒකපාර්ශ්විකව රැස්වී එහි නොසිටි තමන් හා තම දියණිය ලියු පොතක් ගැන දිගින් දිගටම විවේචනය කළේ යැයි ද එජාපය එහි කළේ තනියම ක්රීඩා කිරීමක් බවත් හෙතෙම ප්රකාශ කළේය.
රාජ්ය පාලනයේ දී සිදුවන සිත් රිදීම් සේවය සඳහා කිසිදු අයුරකින් බල නොපාන බව පැවසූ ජනාධිපතිවරයා අද තමන් නරක මිනිසකු ලෙස දකින්නන් හෙට දවසේ දී හොඳ මිනිසකු ලෙස දකිනු ඇතැයි ද සඳහන් කළේය. තමන් අද මේ සටන කරන්නේ දූෂණය භීෂණය ඒකාධිපති වාදය හා රට විනාශ කරන සියලු බලවේගවලට එරෙහිව යැයි ද පැවැසීය.
මේ වනතුරුත් තමන් කිසිදු තැනක දී සෙලවී නැතැයි ද වැරදිකරුවන් නිවැරදිකරුවන් කවුදැයි ඉතිහාසය හෙළිදරවු කරනු ඇතැයි ද එය හෙට දවසට භාර කරන බව ද හෙතෙම වැඩි දුරටත් සඳහන් කළේය. කෙසේ වෙතත් මේ සටනේ දී ජනතාව තමන් හුදකලා කරන්නේ නැතැයි තමන් දන්නා බව ද ඔහු වැඩි දුරටත් කීය.