ජනතා ප්රශ්න මග හරිමින් සිටින මේ ආණ්ඩුව ජිනීවා මානව හිමිකම් කවුන්සිලයේදී එකඟ වූ යෝජනාව අනුව යමින් අද බන් කි මූන්ලා සතුටු කරන ප්රකාශ නිකුත් කරමින් සිටින බව ජාතික නිදහස් පෙරමුණේ ප්රචාරක ලේකම් හිටපු පාර්ලිමේන්තු මන්ත්රී මොහොමඞ් මුසම්මිල් පවසයි.
කොළඹ චැතම් වීදියේ පිහිටි පොලිස් මූල්ය අපරාධ කොට්ඨාසය වෙත පැමිණ පැයක පමණ ප්රකාශයක් ලබා දීමෙන් අනතුරුව මාධ්ය වෙත අදහස් දක්වමින් ඔහු මේ බව සඳහන් කළේය.
එහිදී වැඩිදුරටත් අදහස් දැක්වූ මුසම්මිල් මෙසේ ද කියා සිටියේය.
ජිනීවා යෝජනාවට අනුව අතුරුදහන් වූ තැනැත්තන් පිළිබඳ කාර්යාලය පිහිටුවීමේ පනත් කෙටුම්පත කඩිනමින් සම්මතකර ගත් මේ ආණ්ඩුව එහි ඊළඟ පියවරට යන්න සූදානමින් සිටිනවා,ඒ බව නිවේදනයකර තිබෙනවා.
සත්ය සෙවීමේ කොමිසම සහ නව ආණ්ඩුක්රම ව්යවස්ථාව කඩිනමින් ගෙන එන බව එමගින් කියැවෙනවා.
මේ ප්රකාශය ඉතා බරපතළ බව අප දන්නවා.