රටින් ගෙන්වූ කසල කන්ටේනර් 130ක් කටුනායක නිදහස් වෙළඳ කලාපය තුළන් අසුවේ.
රාජපක්ෂ පාලන සමයේ 2013-07-30 දිනැතිව 2013-07-11 දින නිකුත් කරන ලද අංක 1818-30 දරන ගැසට් නිවේදනය හරහා රේගු ආඥා පනත, විනිමය පාලන පනත, ආනයන අපනයන පාලන පනත ආදියෙහි පාලනයෙන් තොරව භාණ්ඩ ආනයන හා අපනයන කිරීමට අවශ්‍ය නීතිමය පසුබිම සළසා දීම තුළින් මෙරටට ගෙන්වන ලද කසළ බහාලුම් 130ක් කටුනායක නිදහස් වෙළඳ කලාපයේ කම්හල් භූමියක තිබිය දී මධ්‍යම පරිසර අධිකාරිය විසින් සොයා ගෙන ඇති බව වාර්තා වේ.
කටුනායක නිදහස් වෙළඳ කලාපය, හම්බන්තොට වරාය හා ගුවන්තොටුපළ පිහටුවන “Hub” තුලට නිදහසේ භාණ්ඩ අපනයනය කිරීමට උක්ත ගැසට් නිවේදය මගින් ඉඩකඩ විවරවූ අතර කටුනායක නිදහස් වෙළඳ කලාපයේ කම්හල් භූමියක තිබී මෙම එක්සත් රාජධානියේ සිට 2017 හා 2018 වසරවල දී ගෙන්වා ඇති මෙම කන්ටේනර් 130 සොයාගෙන තිබේ.