නිවාඩු අවලංගුයි.
(15) දින සිට සියලු කම්කරු නිලධාරින්ගේ නිවාඩු අවලංගු කර තිබෙන බව කම්කරු කොමසාරිස් ජනරාල් චාන්දනි අමරතුංග නිවේදනයක් නිකුත් කරමින් කියා සිටියි.
රාජ්‍ය සේවා කම්කරු නිලධාරින්ගේ සංගමය දැනට ක්‍රියාත්මක කරනු ලබන අඛණ්ඩ වැඩ වර්ජනය හේතුවෙන් වැඩකරන ජනතාවගේ අයිතිවාසිකම් දිගින් දිගටම උල්ලංඝනය වීම පිළිබඳව අවධානය යොමු කොට එම තත්ත්වය වැළැක්වීමේ අරමුණින් හා සියලුම සුබවාදී එකඟතාවයන් කඩකරමින් දිගින් දිගටම වර්ජනය කිරීම සාධාරණ නොවන බැවින් වහාම අද සිට කම්කරු දෙපාර්තමේන්තුවේ කම්කරු නිලධාරින්ට සේවයට වාර්තා කරන ලෙස අමරතුංග දන්සිවා සිටියි.
මෙම නිවේදනයනිවේදනය තමන් නොපිළිගන්නා බව රජ්‍ය සේවා කම්කරු නිලධාරින්ගේ සංගමයේ සභාපති අයි.සී. ගමගේ ප්‍රකාශ කරයි.ඒ ඔහු වැඩිදුරටත් අදහස් දක්වමින් මේ ආකාරයට වැඩවර්ජනයක් යන අවස්ථාවකදී නිවාඩු අවලංගු කළ හැක්කේ අත්‍යඅවශ්‍ය සේවාවලට පමණක් බව පැවසීය. පෙරේදා කම්කරු හා වෘත්තීය සමිති සබඳතා රාජ්‍ය ඇමැති රවින්ද්‍ර සමරවීර කැබිනට් පත්‍රයක් දමන බව පැවසුවත් කැබිනට් ඇමැති ඩබ්ලිව්.ඩී.ජේ.සෙනෙවිරත්න ඊට එරෙහි පිළිතුරක් දී තිබේ. ඒ නිසා මේ වර්ජනය අඛණ්ඩව සිදුවන බවත් තවදුරටත් පැවසුවේය.