කංජිපානි යළි අධිකරණයට.
කෙසෙල්වත්ත පොලිසිය විසින් කළ ඉල්ලීමක් සලකා බැලීමෙන් අනතුරුව කොළඹ ප්‍රධාන මහේස්ත්‍රාත් ලංකා ජයරත්න මෙනවිය මෙම නියෝගය ලබාදී ඇත.කෙසෙල්වත්ත පොලිසිය විසින් කංජිපානි ඉම්රාන් නැමැත්තාගේ සගයකු බව කියන කේමදාසන් තුෂාන්තන් හෙවත් සුසන්ත නමැත්තා හෙරොයින් ග්‍රෑම් 20 කට අධික ප්‍රමාණයක් සමග පසුගිය දිනක අත්අඩංගුවට ගෙන තිබුණි.එම අවස්ථාවේ විදේශගතව සිට ඇති කංජිපානි ඉම්රාන් දුරකථන මාර්ගයෙන් එම වැටලීමට සම්බන්ධ වූ පොලිස් නිලධාරීන් දෙදෙනෙකුට තර්ජන එල්ල කොට අසභ්‍ය වචනවලින් බැන වැදී ඇත. මෙම සිද්ධියේ සැකකරුවකු ලෙස කංජිපානි ඉම්රාන් නම් කිරීමට තීරණය කර ඇති බවට කෙසෙල්වත්ත පොලිසිය සිදුකළ ඉල්ලීම පිළිගත් ප්‍රධාන මහේස්ත්‍රාත්වරිය කංජිපානි ඉම්රාන් ලබන 09 වනදා අධිකරණයට ඉදිරිපත් කරන ලෙස බන්ධනාගාර කොමසාරිස්වරයාට නියෝග කර තිබේ.