රෝහල්වල රසායානාගාර පරීක්ෂණ සඳහා අවශ්ය එතනෝල් ආනයනය කිරීම වෛද්ය සැපයුම් අංශය මගින් පමණක් සිදු කිරීමට සෞඛ්ය අමාත්යාංශය තීරණය කර තිබේ.
වෙනත් සෞඛ්ය ආයතන මගින් එතනෝල් ආයනයනය කිරීමේදී ගැටළු රැසක් මතුව ඇති බැවින් මෙම තීරණය ගෙන ඇති බව සඳහන්ය.
වෛද්ය සැපයුම් අංශය සහ රාජ්ය ඖෂධ නීතිගත සංස්ථාව ඖෂධ ආනයනය කිරීමේදී පවතින ගැටළු සම්බන්ධයෙන් සෞඛ්ය අමාත්ය රාජිත සේනාරත්න සමග පැවැති සාකච්ඡාවකදී මෙම තීරණය ගෙන තිබේ.
ලියාපදිංචි ඖෂධ සමාගම් හදිසි ඖෂධ ලබා ගැනීමේදී අයදුම් නොකරන තත්ත්වයක් මතුව ඇති බව එහිදී අනාවරණය වී ඇති බව සෞඛ්ය අමාත්යාංශය සඳහන් කළේය.
ඒ හේතුවෙන් එවැනි සමාගම්වලට ඖෂධ සැපයීමේ ටෙන්ඩර් ලබා නොදෙන ලෙසට සෞඛ්ය අමාත්ය රාජිත සේනාරත්න විසින් වෛද්ය සැපයුම් අංශයේ අධ්යක්ෂවරයාට එහිදී උපදෙස් දී තිබේ.